ພາບລວມ

ທ່ານ ຖາວອນ ອາດສະມຸດ ກໍ່ຕັ້ງ ບໍລິສັດ ຫຼວງພະບາງ ສະມາດຊິດຕີ້ ຈໍາກັດຜູ້ດຽວ ຂຶ້ນໃນປີ 2023 ເພື່ອດໍາເນີນວຽກງານໂຄງການເຂດອຸດສາຫະກຳ ການທ່ອງທ່ຽວລາວ-ອາຊຽນ-ສາກົນ ເປັນເຂດເມືອງທັນສະໄໝໂຄງການ ມີເນື້ອທີ່ທັງໝົດ 195,5 ເຮັກຕາ ທີ່ດິນທັງໝົດເປັນກຳມະສິດຂອງ ທ່ານ ຖາວອນ ອາດສະມຸດ.

ການລົງທຶນໃນເຂດເນື້ອທີ່ດັ່ງກ່າວ ນັກລົງທຶນສາມາດພົວພັນເຈລະຈາ ຊື້-ຂາຍ ແລະ ເຊົ່າທີ່ດິນ ຫຼື ຮ່ວມລົງທຶນ ກັບເຈົ້າຂອງໂຄງການ (ເຈົ້າຂອງທີ່ດິນ) ໄດ້ໂດຍກົງໃນຫຼາຍຮູບແບບການລົງທຶນ ຕາມເງື່ອນໄຂ ທີ່ສາມາດຕົກລົງກັນໄດ້.

ຈຸດປະສົງ

ພັດທະນາພື້ນທີ່ 195,5 ເຮັກຕາ ເຂດອຸດສະຫະກຳການທ່ອງທ່ຽວລາວ ອາຊຽນ-ສາກົນ ໃຫ້ເປັນເຂດ ເມືອງທັນສະໄໝ.
ສ້າງທຸລະກິດຕ່າງໆ ເປັນຕົ້ນແມ່ນໂຮງແຮມ, ຣີສອດ, ຄອນໂດ, ອາພາດເມັ້ນ, ຫ້າງຊັບພະສິນຄ້າ, ເຂດການຄ້າປອດພາສີ, ໂຮງໝໍທັນສະໄໝ, ໂຮງຮຽນນານາຊາດ ແລະ ອື່ນໆ.
ສົ່ງເສີມເສດຖະກິດເມືອງຈອມເພັດ ແຂວງຫຼວງພະບາງ ໃຫ້ເຂັ້ມແຂງ, ສ້າງວຽກເຮັດງານທຳໃຫ້ ປະຊາຊົນໄດ້ມີຊີວິດການເປັນຢູ່ດີຂຶ້ນເທື່ອລະກ້າວ, ຊຸກຍູ້ດ້ານການທ່ອງທ່ຽວທີ່ຫຼາກຫຼາຍ ແລະ ຍືນຍົງ.

ໄດ້ສໍາເລັດບັນດາເອກະສານ
ທີ່ສໍາຄັນຕ່າງໆ ຈາກພາກລັດມີຄືດັ່ງນີ້:

ໄດ້ຮັບໃບມອບສິດຂອງທ່ານນາຍົກລັດຖະມົນຕີ ໃຫ້ເຊັນບົດບັນທຶກຄວາມເຂົ້າໃຈ (MOU) ເພື່ອສຶກສາສໍາຫຼວດຄວາມ ເປັນໄປໄດ້ ໃນການສ້າງໂຄງການ ສະບັບເລກທີ 14/ນຍ, ລົງວັນທີ 31 ມັງກອນ 2023.
ໄດ້ເຊັນບົດບັນທຶກຄວາມເຂົ້າໃຈ ເພື່ອສຶກສາສໍາຫຼວດຄວາມເປັນໄປໄດ້ຂອງໂຄງການ ຮ່ວມກັບ ກະຊວງ ແຜນການ ແລະ ການລົງທຶນ ໃນວັນທີ 9 ມີນາ 2023.
ສໍາເລັດບົດວິພາກເສດຖະກິດ-ເຕັກນິກ ແລະ ໄດ້ຖືກຮັບຮອງ ຈາກກົມຄຸ້ມຄອງທຸລະກິດການທ່ອງທ່ຽວ, ກະຊວງຖະແຫຼງຂ່າວ, ວັດທະນະທຳ ທ່ອງທ່ຽວ ສະບັບເລກທີ 001/ຄທທ, ລົງວັນທີ 22 ພຶດສະພາ 2024
ສໍາເລັດວຽກງານສິ່ງແວດລ້ອມ ແລະ ໄດ້ຮັບການຢັ້ງຢືນ ຈາກກົມສິ່ງແວດລ້ອມ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ສະບັບເລກທີ 3368/ກຊສ.ກສລ ລົງວັນທີ 20 ສິງຫາ 2024.
ສໍາເລັດວຽກການຫັນປ່ຽນປະເພດດິນຈາກດິນກະສິກຳ ມາເປັນດິນປຸກສ້າງ.
ສືບຕໍ່ບັນດາໜ້າວຽກຕ່າງໆທີ່ຕິດພັນ ເປັນຕົ້ນແມ່ນວຽກພາກສະໜາມ ເພື່ອປັບປຸງ ແລະ ກະກຽມໃນການກໍ່ສ້າງ ພື້ນຖານໂຄງລ່າງ ເປັນຕົ້ນແມ່ນ ລະບົບເສັ້ນທາງ, ລະບົບນ້ຳ, ລະບົບໄຟຟ້າ ແລະ ອື່ນໆ.

ທີ່ຕັ້ງໂຄງການ

ບ້ານສະນົກມຸງຄຸນ, ເມືອງຈອມເພັດ ຫ່າງຈາກຕົວເມືອງ 15 ກມ, ຫ່າງຈາກສະໜາມບິນ 12 ກມ, ຫ່າງຈາກສະຖານີລົດໄຟ 18 ກມ, ໂດຍສານທາງບົກ 20 ນາທີ ແລະ ທາງນໍ້າ 45 ນາທີ ແລະ ມີລານຈອດເຮືອບິນ ສາມາດໃຫ້ເຮືອບິນຂະໜາດນ້ອຍລົງຈອດໄດ້.